رکن قومی اسمبلی ڈاکٹر عامر لیاقت نے اپنی ایک نئی ویڈیو میں ایسا بیان دیا ہے جس سے محسوس ہو رہا ہے کہ وہ دانیہ کو واپس اپنانا چاہتے ہیں۔

 پاکستان چھوڑنے سے قبل عامر لیاقت نے ایک ناقابلِ یقین ویڈیو شیئر کی ہے جس کو دیکھ کر یہ قیاس آرائیاں کی جا رہی ہیں کہ وہ دانیہ کو واپس اپنانا چاہتے ہیں اور انہیں اشارہ کر رہے ہیں کہ وہ واپس آجائیں تو وہ پاکستان چھوڑ کر نہیں جائیں گے۔

سوشل میڈیا پر وائرل ہونے والی اس ویڈیو میں عامر لیاقت نے کہا کہ ’’میں اب یہاں نہیں رکوں گا، تھوڑا ٹائم مجھے لگے گا کیونکہ میں نے اپنے بچوں کے لئے بینک بیلنس چھوڑ کرجانا ہے، گھر اور گاڑی کا سودا کرنا ہے‘‘۔

اس ویڈیو میں انہوں نے کہا کہ ’’دانیہ واپس آتی تو نہیں جاتا لیکن میں اب پاکستان سے جارہا ہوں‘‘۔

انہوں نے مزید کہا کہ ’’آپ لوگوں سے اتنی درخواست ہے کہ مجھے چاہتے ہوں یا نہ آپ کی محبت دو دن تک ملک میں یہ ٹرینڈ چل رہا ہے ڈونٹ گو عامر بھائی مگر عامر بھائی اب جارہے ہیں ،اس لئے کیونکہ ان کا دل بہت دکھا ہے‘‘۔

ڈاکٹرعامر لیاقت نے پاکستان کی عوام سے شکوہ کرتے ہوئے کہ کہ ان کے 24 سال اور آپ لوگوں کا سلوک، آپ نے ان پر میمز بنائیں، عامر بھائی کے ساتھ زیادتی کی ،ان کا مذاق اڑایا اور کردار کشی بھی کی۔

 انہوں نے کہا کہ آپ بہت ساری ایسی باتیں کہتے رہے جو نامناسب تھیں میں ہنس کے ٹالتا رہا اور ہنس ہنس کے سہتا رہا مگر اب میں چلا جاؤں گا۔

واضح رہے کہ دانیہ نے عامر لیاقت سے تنسیخ نکاح کی درخواست دائر کی ہوئی ہے، جبکہ عامر لیاقت کی اس ویڈیو کے بعد سوشل میڈیا صارفین کا کہنا ہے کہ عامر لیاقت کو اب بھی دانیہ کے واپس آنے کی امید ہے اور اگر دانیہ آجاتی ہیں تو شاید وہ دانیہ کو معاف کر کے نئی زندگی شروع کرنا چاہتے ہیں۔