بیرسٹر سیف نے کہا ہے کہ فائن آرٹس سے تعلق رکھنے والے افراد معاشرے کا سرمایہ ہیں۔

بیرسٹر محمد علی سیف نے نتھیا گلی میں آرٹ مقابلے اور نمائش کا افتتاح کیا جس میں ایبٹ آباد کے تعلیمی اداروں کے 80 سے زائد طلبہ شریک ہوئے۔

محمد علی سیف نے کہا کہ جی ڈی اے بہترین سرگرمیوں کا انعقاد کر رہا ہے، خواتین کے بنائے ہینڈی کرافٹس بہترین ہیں، ترقی یافتہ معاشرے سوشل کیپٹل پر خرچ کرتے ہیں۔

انہوں نے کہا کہ معاشرے کی ترقی کے لیے فائن آرٹس کا فروغ ضروری ہے، طلبہ کی بنائی پینٹنگز کو دیکھ کر خوشی ہوئی، معاشرے کی بقاء کریٹیو لوگوں کو آگے لانے میں ہے۔

 بیرسٹر سیف نے کہا ہے کہ فائن آرٹس سے تعلق رکھنے والے افراد معاشرے کا سرمایہ ہیں، حکومت اپنی ذمہ دار سے واقف ہے، فنون لطیفہ کے فروغ کے لیے کئی منصوبے شروع کیے ہیں، آرٹسٹوں کو تمام سہولیات فراہم کریں گے۔