امپورٹڈ آئٹمز کی درآمد پر پابندی سے متعلق حکومتی ہدایت کے بعد پاکستان کسٹمز ایکشن میں آگئی ہے۔

تفصیلات کے مطابق پاکستان کسٹمز کی کراچی ایئرپورٹ پر  امورٹڈ آئٹمز کی اسمگلنگ روکنے سے متعلق کارروائی کی گئی۔

کلیکٹر کراچی ایئرپورٹ نے جناح انٹرنیشنل ایئرپورٹ سے پکڑے گئے پابندی شدہ امپورٹڈ آئٹمز سے متعلق کارروائی کی رپورٹ ممبر کسٹمز آپریشنز کو بھیج دی ہے۔

کسٹمز رپورٹ میں بتایا گیا ہے کہ صرف 23 مئی کے دن بیرون ملک سے امورٹڈ فوڈ آئٹمز کی 76 کلو گرام کی کھیپ پکڑی، 127 کلو امورٹڈ فروٹس، 213 موبائل فون، 96  برانڈیڈ جوتوں کی اسمگلنگ بھی ناکام بنادی گئی۔

 تمام امپورٹڈ آئٹمز کو پاکستان کسٹمز ایکٹ 1969 کی سیکشن 68 کے تحت قبضے میں لیا گیا جبکہ  مسافروں سے قبضے میں لئے گئے سامان کی مالیت لاکھوں روپے ہے۔

  کسٹمز حکام نے بتایا کہ کراچی ایئرپورٹ پر تعینات کسٹمز عملے کو امورٹڈ آئٹمز کی اسمگلنگ روکنے کے لئے مزید سخت اقدامات کی بھی ہدایت کی گئی ہے۔

واضح رہے کہ حکومت کی طرف سے امورٹڈ آئٹمز کی درآمد اور اسمگلنگ روکنے کے لیے  ایس آر جاری ہونے کے بعد پاکستان کسٹمز نے کارروائی شروع کردی ہیں۔