آمدن سے زیادہ اثاثہ جات بنانے سے متعلق ریفرنس کیس میں آغا سراج درانی کوعدالت میں پیش نہیں کیا گیا۔ 

تفصیلات کے مطابق احتساب عدالت کراچی میں آمدن سے زیادہ اثاثہ جات ریفرنس کیس کی سماعت ہوئی۔

اسپیکرسندھ اسمبلی آغا سراج درانی عدالت میں پیش نہیں پو سکے جبکہ دیگر ملزمان پیش ہوئے۔

وکیل آغا سراج درانی نے عدالت میں درخواست دی  جس میں استدعا کی گئی کہ آغا سراج درانی قائم مقام گورنر سندھ کی ذمے داری ادا کررہے ہیں، اس لیے ان کو حاضری سے استثنیٰ دیا جائے۔

احتساب عدالت نے سماعت بغیر کارروائی کے 11 جون تک ملتوی کردی۔

اسپیکر سندھ اسمبلی آغا سراج درانی اور دیگر ملزمان پر آمدن سے زیادہ اثاثہ جات بنانے کا نیب کی جانب سے احتساب عدالت میں ریفرنس دائر ہے۔

آغا سراج درانی کی سپریم کورٹ سے ضمانت قبل گرفتاری کی درخواست خارج ہونے کے بعد گرفتارکیا گیا تھا۔

یہ بھی پڑھیں: عدالت نے عبدالحفیظ شیخ و دیگرکے خلاف ریفرنس کیس میں ملزمان کی درخواست پر نیب کے پراسیکیوٹرکو نوٹس جاری کردیے۔