پاک بحریہ کے جہاز پی این ایس شمشیر کا عمان کی بندرگاہ مسقط کا دورہ کیا ہے۔

اس حوالے سے ترجمان پاک بحریہ کا کہنا ہے کہ مسقط آمد پر پاک بحریہ کے جہاز کا پرتپاک استقبال کیا گیا۔

ترجمان پاک بحریہ نے بتایا کہ اس دورے کے دوران کمانڈنگ آفیسر کی میزبان بحری قیادت سے اہم ملاقاتیں کی گئیں ۔

پاک بحریہ کے ترجمان کا کہنا تھا کہ ملاقاتوں کے دوران باہمی دلچسپی کے پیشہ وارانہ امور اور دوطرفہ بحری تعاون پر تبادلہ خیال کیا گیا ہے۔

ترجمان پاک بحریہ کے مطابق  دورے کے آخر میں دونوں ممالک کے بحری جہازوں نے مشترکہ بحری مشق میں بھی حصہ لیا ہے۔

ترجمان کا کہنا ہے کہ پاک بحریہ کے جہاز کے اس دورے سے دونوں ممالک کے مابین دو طرفہ تعلقات کو مزید فروغ ملے گا۔