پی پی پی شعبہ خواتین کی مرکزی صدر و ایم پی اے فریال تالپور سے پارٹی رہنما میر بابل خان بھیو نے نیب کے جھوٹے کیس میں عدالت سے باعزت بری ہونے کے بعد ملاقات کی۔

فریال تالپور نے میر بابل خان بھیو کو عدالت سے باعزت بری ہونے پر مبارک باد دی۔

ملاقات کے دوران میر تیمور خان پنہور نے اپنی برادری اور حامیوں کے ساتھ پاکستان پیپلز پارٹی میں شمولیت کا بھی اعلان کیا جس پر فریال تالپور نے میر تیمور خان پنہور کو پارٹی میں شمولیت پر خوش آمدید کہا۔

 اس موقعے پر پی پی پی سندھ کے صدر سینیٹر نثار احمد کھڑو اور وفاقی وزیر میر عابد حسین بھیو بھی موجود تھے جبکہ ملاقات کے دوران میر جان محمد المعروف میر تیمور خان پنہور بھی موجود تھے۔