بالی ووڈ اداکار کارتک آریان نے فلم بھول بھلیاں 2 کی کامیابی کے بعد اپنی فیس بڑھا دی ہے۔

انڈیا ٹوڈے کے مطابق اس وقت کارتک آریان ایک فلم میں کام کرنے کا معاوضہ 15 سے 20 کروڑ روپے وصول کرتے ہیں جبکہ حالیہ  فلم کی کامیابی کے بعد انہوں نے فیس میں اضافہ کرتے ہوئے 35 سے 40 کروڑ روپے کردیا ہے۔

یہ فلم 10 روز میں ہی 100 کروڑ کلب میں شامل ہوچکی ہے، فلم کی شاندار کامیابی کے بعد یہ خبریں سامنے آئی کہ اداکار نے اپنی فیس میں 15 سے 20 کروڑ روپے کا اضافہ کردیا ہے۔

دوسری جانب اداکارکارتک آریان نے ان خبروں کی تردید کرتے ہوئے اپنے ایک بیان میں کہا تھا پرموشن ہوا ہے لائف میں، انکریمنٹ نہیں، یہ بے بنیاد بات ہے۔