سید نوید قمر نےکہا ہے کہ گیس کا مسئلہ ترجیحی بنیادوں پر حل کرینگے۔

وفاقی وزیر برائے تجارت سید نوید قمر سے کراچی میں ٹیکسٹائل انڈسٹری کے وفد کی ملاقات ہوئی جس میں ٹیکسٹائل انڈسٹری کو درپیش مسائل زیر بحث رہے۔

ملاقات میں ٹیکسٹائل وفد نے وفاقی وزیر سے گیس سپلائی اور پیش آنے والے مسائل سے آگاہ کیا جبکہ ملاقات میں ٹیکسٹائل انڈسٹری کے وفد نے سیلس ٹیکسٹ میں رعایت کی درخواست بھی کی۔

وفد نے وفاقی وزیر تجارت سے درخواست کرتے ہوئے کہا کہ سیلس ٹیکس رعایت میں نہ صرف انڈسٹری کو فائدہ ہوگا بلکہ ملکی معیشت میں بھی بہتری آئیگی۔

سید نوید قمر نے کہا کہ ہماری ہر ممکن کوشش ہے کے ٹیکسٹائل انڈسٹری کے تمام تر مسائل ترجیحی بنیادوں پر حل کیے جائیں۔

وفاقی وزیر برائے تجارت سید نوید قمر نےمزید کہا کہ وزارت خزانہ کے ساتھ میٹنگ میں ٹیکسٹائل انڈسٹری کے مسائل پر بات کرونگا، گیس کا مسئلہ ڈیمانڈ اور سپلائی میں اضافے کی وجہ سے درپیش ہے جسے ترجیحی بنیادوں پر حل کرینگے۔

وفد میں زکی بشیر، سی ای او گل احمد،  یعقوب احمد، چیئرمین ڈینم، و دیگر نے شرکت کی۔