نوابشاہ کے  گاؤں میں آتشزدگی کے باعث 8 مکانات جل کر خاکستر ہوگئے ہیں۔

تفصیلات کے مطابق نوابشاہ روڈ پر گاؤں صاحب خان خاصخیلی میں آتشزدگی کا افسوسناک واقعہ پہش آیا، آتشزدگی کے نتیجے میں آٹھ مکانات جل کر خاکستر جبکہ گھروں میں موجود گندم و دیگر سامان بھی خاک ہوگیا ہے۔

ذرائع کا کہنا ہے کہ  آگ پر قابو پانے کے لیے فائر بریگیڈ اور گاؤں کے لوگوں کی کوششیں جاری ہیں جبکہ متاثرہ لوگ بے یارو مددگار  کھلے آسمان کے نیچے بیٹھے ہیں۔

ذرائع نے بتایا کہ آگ شارٹ سرکٹ کے باعث لگی۔

یاد رہے کہ کچھ روز قبل بھی  سیالکوٹ میں سگریٹ کے باعث  گھر کے اندر آگ بھڑک اٹھی تھی۔

  آتشزدگی کے باعث 2 بھائی جھلس کر جاں بحق ہوئے تھے جبکہ 2 بچوں سمیت 4 افراد بھی متاثر ہوئے تھے۔

ریسکیو حکام نے بتایا تھا کہ جاں بحق ہونے والوں میں اکرم اور علی رضا شامل ہیں جبکہ چاروں زخمیوں کو علامہ اقبال سول اسپتال منتقل کر دیا ہے۔