سی ٹی ڈی اور حساس اداروں کی جانب سے مشترکہ طور پر بڑی کارروائی کے دوران کوچہ رسالدار جامع مسجد کے خودکش حملے ما ماسٹر مائنڈ ہلاک ہوگیا ہے۔

 تفصیلات کے مطابق کاونٹر ٹیررازم ڈیپارٹمنٹ پشاور ریجن  اور حساس اداروں نے نواحی علاقہ پشتخرہ میں انٹلی جنس بیسڈ ٹارگٹڈ آپریشن کیا۔

آپریشن کے دوران فائرنگ کے تبادلے میں 2 دہشتگرد مارے گئے جس میں سے ایک کی شناخت حسن شاہ ولد ارمان شاہ سکنہ گودر جمرود ضلع خیبرسے ہوئی جبکہ دوسرے  ہلاک شدہ دہشت گرد کی شناخت جاری ہے۔

اس حوالے سے حکام کا کہنا ہے کہ حسن شاہ 3 مارچ 2022 دوران نماز جمعہ رونما ہونے والے کو چہ رسالدار جا مع مسجد کے خود کش حملے کا ماسٹر مائنڈ تھا جس میں 66نمازی شہید اور 130 نمازی زخمی ہوئے تھے۔

حکام کے مطابق دہشت گرد حسن خودکش حملہ، ٹارکٹ کلنگ سمیت دیگر کئی سنگین مقدمات میں سی ٹی ڈی اور مقامی پولیس کو مطلوب تھا۔

اسکے علاوہ ہلاک دہشت گردوں کے قبضہ سے خود کش جیکٹ ، 02 پستول اور 04 عدد ہینڈ گرنیڈز برآمد ہوئے ہیں۔

سی ٹی ڈی اور سیکیورٹی فورسز کی بھاری نفری موقع پر پہنچ کر علاقے کو گھیرے میں لے کر فرار دہشت گردوں کی گرفتاری  کی خاطر سرچ آپریشن جاری ہے-۔