ہر انسان اپنے شادی کے دن کو یادگار بنانا چاہتا ہے تاکہ لوگ یاد رکھیں۔

ایک ایسے ہی جوڑے نے اپنی شادی کو کچھ اس طرح یادگار بنایا کہ ہر دیکھنے والا حیرت میں پڑ گیا۔

غیر ملکی میڈیا رپورٹ کے مطابق امریکی جوڑے نے شادی کی تصاویر اور ویڈیوز کو یادگار اور منفرد بنانے کے لئے خود کو آگ لگا لی۔

ویڈیو میں دیکھا جاسکتا ہے کہ دلہا اور دلہن نے فوٹو شوٹ کے لیے عروسی لباس پر آگ بھڑکائی اور پھر خوب ساری تصاویر اور ویڈیوز بنوائیں۔

میڈیا رپورٹس کے مطابق دلہا گیب جیسپ اور دلہن ایمبری بیمبر بطور مووی اسٹنٹ کام کرتے ہیں جہاں دونوں کی ملاقات ہوئی اور دونوں نے شادی کا فیصلہ کیا یہی وجہ ہے کہ ان دونوں کو ایسے حیرت انگیز اسٹنٹس کرنے کی خوب پریکٹس ہے۔

وائرل ویڈیو کو سوشل میڈیا پر اب تک لاکھوں افراد دیکھ چکے ہیں۔