بھارتی اداکارہ پرینیتی چوپڑا کی گانا گانے کی ویڈیو سوشل میڈیا پر وائرل ہو گئی۔

بھارتی میڈیا رپورٹ کے مطابق بالی وُڈ کی نامور اداکارہ پرینیتی چوپڑا نے سوشل میڈیا پلیٹ فارم انسٹاگرام پر اپنی ایک ویڈیو شئیر کی ہے جس میں دیکھا جا سکتا ہے کہ اداکارہ اسٹیج پر گانا گا رہی ہیں۔

اداکارہ اپنی ویڈیو میں لگ جا گلے گانا گا رہی ہیں جبکہ اس موقع پر اداکارہ نیتو کپور، کرن جوہر اور متھن دا بھی موجود ہیں اور پرینیتی کی آواز کو خوب داد دیتے دکھائی دے رہے ہیں۔

پرینیتی گانا گانے کا شوق رکھتی ہیں اور وہ اس سے قبل بھی کئی گانے گا چکی ہیں، اس ویڈیو کو دیکھ کر معلوم ہوتا ہے کہ اداکارہ کسی ریئیلٹی شو میں اپنی آواز کا جادو جگا رہی ہیں۔