پاکستان پیپلزپارٹی کی جانب سے متحدہ قومی موومنٹ پاکستان کو سندھ کابینہ میں شمیولیت کی دعوت دے دی گئی ہے۔

پیپلزپارٹی کا وفد آج ایم کیو ایم پاکستان  کے عارضی مرکز بہاردآباد ملاقات کے لئے پہنچا جہاں تیار کردہ بلدیاتی ڈرافٹ پر تبادلہ خیال کیا گیا۔

https://cdnurdu.bolnews.com/urdu/wp-content/uploads/2022/05/WhatsApp-Video-2022-05-12-at-3.45.15-PM.mp4?_=2

ملاقات کے دوران پیپلز پارٹی، میونسپل فنکشن کونسلرز کو دینے اور صوبائی مالیاتی کمیشن پر عمل درآمد کرنے کی شق پر آمادہ ہوگئی۔

اس دوران تمام اٹھارتیز کو مئیر کے ماتحت کرنے کے معاملے پر بات چیت جاری ہے جبکہ گورنر سندھ کے حوالے سے نسرین جلیل کی سمری پر اٹھنے والا معاملے پر بھی غور کیا گیا۔

اس موقع پر پیپلز پارٹی نے ایم کیو ایم کو سندھ کابینہ میں دو وزارت دینے کی پیشکش کی ہے جس کے متعلق کوئی حتمی فیصلہ نہیں کیا گیا۔

اسکے علاوہ ملاقات کے دوران فیصلہ کیا گیا ہے کہ ایم کیو ایم کا وفد جلد آصف زرداری اور بلاول بھٹو سے ملاقات کرے گا۔

خیال رہے کہ پی پی پی کے وفد میں صوبائی وزراء سید ناصر حسین شاہ اور سعید غنی شامل رہے جبکہ ایم کیو ایم رابطہ کمیٹی کے کنوئیر خالد مقبول صدیقی،  ڈپٹی کنوئیر عامر خان، وسیم اختر، جاوید حنیف،  کنور نوید ان کے ہمراہ موجود تھے۔