ورلڈ بیچ ریسلنگ سیریز میں پاکستانی پہلوان انعام بٹ نے عمدہ کارکردگی کا مظاہرہ کرتے ہوئے کوارٹر فائنل میں جگہ بنالی ہے۔

تفصیلات کے مطابق انعام بٹ نے ایونٹ میں ترکی اور جارجیا کے پہلوانوں کو شکست دی اور کوالیفائی مراحلے میں پہنچ گئے۔

ترکی میں جاری ورلڈ بیچ سیریز میں پاکستانی پہلوان انعام بٹ نے اپنے 2 میچز جیت لئے ہیں۔

انعام بٹ نے پہلے میچ میں ترکی کے پہلوان کو 2-0 سے شکست دی اور دوسرے میچ میں انعام بٹ نے جارجیا کے پہلوان کو 1-0 سے چت کرکے کوارٹر فائنل میں جگہ بنالی۔

واضح رہے کہ ایونٹ کے کوارٹر فائنل، سیمی فائنل اور فائنل آج کھیلے جائیں گے۔