ٹی وی میزبان عامر لیاقت نے غمگین شاعری سے بھرپور ویڈیو شیئر کر دی۔
رکن قومی اسمبلی اور ٹی وی کے معروف میزبان عامر لیاقت حسین کی نئی ویڈیو سامنے آگئی ہے۔
عامر لیاقت نے اپنے آفیشل انسٹاگرام اکاؤنٹ پر ویڈیو شیئر کی ہے جس میں وہ درد بھری شاعری کرتے نظر آرہے ہیں۔
انہوں نے ویڈیو میں شاعری کرتے ہوئے کہا کہ ’’اگر میں ہنستا ہوں تو لوگ سمجھتے ہیں کہ مجھے رونا ہی نہیں آتا، ان کے دیکھنے سے جو آجاتی ہے چہرے پر رونق وہ سمجھتے ہیں کہ بیمار کا حال اچھا ہے‘‘۔

ویڈیو کے کیپشن میں عامر لیاقت نے لکھا کہ ’’جن کے درد گہرے ہوں اُن کی ضد بھی گہری ہوتی ہے مگر یہاں تو کسی کے آنسوؤں کو بھی اپنے تمسخر کے لیے بہانہ سمجھا جاتا ہے، تفریح کا ایک خزانہ سمجھا جاتا ہے، میری نسل نے رنگین ٹی وی سے ایم سی ڈی تک اور کالے فون سے سیل فون کا سفر ہی صرف تیزی سے طے نہیں کیا بلکہ احساسات سے بے حسی کا سفر بھی غیرمعمولی رفتار سے طے کیا ہے‘‘۔
عامر لیاقت کی اس ویڈٰیو کو اب تک 55 ہزار سے زائد مرتبہ دیکھا جا چکا ہے جبکہ انہوں نے ویڈٰیو پر کمنٹ سیکشن بند کر رکھا ہے۔