وفاقی وزیر صحت عبدالقادر پٹیل نے کہا ہے کہ بچوں کو عمر بھر کی معذوری سے بچانے کے لئے لازمی ہے کہ ہر مہم میں تمام بچوں کو حفاظتی قطرے ضرور پلوائیں جائیں ۔

تفصیلات کے مطابق رواں برس پاکستان سے پولیو کا تیسرا کیس رپورٹ ہوا ہے جس پر اظہار خیال کرتے ہوئے وفاقی وزیر کا کہنا ہے کہ بحیثیت قوم پولیو کا خاتمہ نہ ہونا ایک بہت بڑا المیہ ہے۔

انہوں نے کہا ہے کہ ملک بھر مین پولیو کا ایک بھی کیس ہمارے لئے بہت بڑا نقصان ہے جس کے خاتمے کیلئے کوششوں مزیز تیز کیا جارہا ہے۔

 انہوں نے مزید کہا  کہ پولیو کے وائرس کے تدارک کے لئے ہنگامی بنیادوں پر اقدامات کا سلسلہ جاری ہے۔

اس حوالے سے وفاقی سیکریٹری صحت نے کہا کہ  جنوری سے خیبرپختونخوا کے جنوبی اضلاع میں وائرس کے پھیلاؤ کے تدارک کے لیے اقدامات کئے جارہے ہیں۔

ان کے مطابق پولیو پروگرام نے جنوبی خیبرپختونخوا کے چھ اضلاع کو پولیو وائرس کے لئے حساس قرار دیئے ہیں۔