بالی وُڈ سُپر اسٹار سلمان خان نے اپنی آئندہ آنے والی فلم کی شوٹنگ کا ممبئی میں آغاز کر دیا۔

بھارتی میڈیا رپورٹ کے مطابق بالی ووڈ سپر اسٹار سلمان خان نے اپنی آئندہ آنے والی ایکشن ڈرامہ فلم ’کبھی عید کبھی دیوالی‘ کی ممبئی میں شوٹنگ شروع کردی ہے۔

بھارتی میڈیا کا کہنا ہے کہ اس فلم میں تیلگو اداکار وینکٹیش دگوبٹی اہم رول میں نظر آئیں گے، تاہم وہ فلم کی ٹیم کو جون میں جوائن کریں گے۔

فلم میں پوجا ہیکڈے بطور ہیروئن کام کریں گی جبکہ فرہاد سامجی فلم کے ہدایتکار ہوں گے۔

بھارتی میڈیا کے مطابق اداکار وینکٹیش دگوبٹی کے فلم میں اہم کردار ادا کرنے کی وجہ سے امید ہے کہ فلم تیلگو مارکیٹ میں بھی اچھا بزنس کرے گی۔

یاد رہے کہ مذکورہ فلم کے لیے ممبئی کے علاقے ولے پارلے میں خصوصی طور پر سیٹ تیار کیا گیا ہے۔