بالی ووڈ کے شہنشاہ امیتابھ بچن کے ہم شکل ششی کانت پیڈوال ویسے تو اپنی اس مشابہت کے باعث کا فی شہرت رکھتے ہیں لیکن حال ہی میں ان کی متعدد ویڈیوز بھی سوشل میڈیا پر خوب وائرل ہو رہی ہیں۔

  نامور بالی ووڈ اداکارامیتابھ بچن کے ہم شکل ششی کانت پیڈوال جوکہ پیشے کے اعتبار سے ایک ٹیچر ہیں تاہم شکل امیتابھ بچن جیسی ہونے کے سبب سوشل میڈیا پر ان کی مقبولیت میں کافی اضافہ ہو رہا ہے۔

ویڈیوز میں ششی کانت بالکل امیتابھ جیسا اسٹائل اپنائے ہوئے ہیں جسے دیکھ کر کوئی بھی شخص دھوکا کھا سکتا ہے۔

ویڈیوز دیکھیں:

واضح رہےکہ گزشتہ سال امیتابھ بچن کے ہم شکل ششی کانت پیڈوال نے کورونا کے مریضوں میں خوشیاں اور مسکراہٹیں بکھیرنے کا بیڑا بھی اٹھایا تھا۔

بھارتی میڈیا رپورٹس کے مطابق  گزشتہ سال وہ بھارت میں کورونا وائرس کے مریضوں میں خوشیاں بانٹنے کے لیے بھی کافی مقبول رہے ہیں۔

ششی کانت پیڈوال اس نیک مقصد کی خاطر کورونا کے مریضوں کے ساتھ وقت گزار تے تھے، اور ان میں زندگی کی امید بھی جگاتے تھے ۔