حسن احمد اورسنیتا مارشل کی جوڑی کا شمار پاکستانی شو بز انڈسٹری کی خوبصورت ترین جوڑیوں میں ہوتا ہے، دونوں پاکستان کے ناموراداکار ہیں، ان دونوں نے بہت کم ڈراموں میں کام کیا اوراپنی بہترین اداکاری سے لوگوں کے دلوں میں اپنا ایک خاص مقام بنانے میں کامیاب رہے۔

حال ہی میں ان دونوں کو ایک ٹی وی شو میں مدعو کیا گیا، جہاں میزبان نے اس شو کے ایک سیگمینٹ جس میں پاکستانی شوبزانڈسٹری سے تعلق رکھنے والوں کے بارے میں سوالوں کے جوابات دینے تھے تو حسن سے پوچھا گیا کہ وہ کونسے اداکار ہیں جنہیں گلوکاری نہیں کرنی چاہئے تاہم حسن نے کہا کہ کچھ گلوکاروں کو اداکاری نہیں کرنی چاہئے جیسے آذان سمیع خان جو بہت اچھے کمپوزرہیں اور سنگر ہیں لیکن وہ اداکاری کے لئے موزوں نہیں ہے۔

جبکہ میزبان نے ایک اور سوال کیا کہ آپ کی نظر میں کون سی اداکارہ بری ساس بنیں گی تو اس پہلے انہوں نے ژالے سرحدی کا نام لیا لیکن پھر عفت عمر کے بارے میں کہا کہ وہ ایک بری ساس ثابت ہوں گی۔