ویڈیو شیئرنگ ایپ ٹک ٹاک نے پیسے کمانے کا ایک اور زبردست طریقہ پیش کردیا۔

اے ایف پی کی رپورٹ کے مطابق ٹک ٹاک نے اپنی بلاگ پوسٹ میں کہا ہے کہ لائیو سبسکرپشن ہمارا ایک نیا قدم ہے جس کا مقصد مونیٹائزیشن کے مواقع بڑھانا ہے اور اس کے علاوہ پلیٹ فارم پر تخلیقی کام کرنے والوں کی حوصلہ افزائی کرنا بھی ہے۔

رپورٹ میں بتایا گیا ہے کہ نیا فیچر اسی ہفتے سے محدود پیمانے پر مشہور اکاؤنٹس کو دستیاب ہوگا تاہم آنے والے مہینوں میں اس کو عالمی سطح پر وسعت دی جائے گی۔

کمپنی کی جانب سے مقبول اکاؤنٹس کی مونیٹائزیشن کی قیمت کے حوالے سے کوئی تعین نہیں کیا جاسکا۔

اس کے علاوہ لائیو سبسکرپشن کے فیچر تک پہنچنے کے لیے ضروری ہو گا کہ صارف کی عمر کم سے کم 18 سال ہو اور اس کو سبسکرائب کرنے والوں کی عمر بھی اتنی ہی ہونا ضروری ہوگا۔

اس سے قبل رواں ماہ کے آغاز میں ٹک ٹاک نے مشہور اکاؤنٹس اور تخلیق کاروں کے لیے ایڈ ریوینو شیئرنگ پروگرام شروع کرنے کا اعلان کیا تھا۔

یاد رہے کہ ویڈیو پر فوکس کرنے والیے دیگر بڑے سوشل میڈیا پلیٹ فارمز یوٹیوب، انسٹاگرام اور اسنیپ چیٹ پہلے ہی ریونیو شیئرنگ تحت سروسز فراہم کر رہے ہیں۔