لیموں کی قیمت تو آسمانوں سے باتیں کر رہی ہیں جیسے لیموں نہ ہوا سونا ہوگیا جو اب منہ مانگے داموں مل رہا ہے اس لیے آج ہم ایسا طریقہ بتائیں گے کہ رس دار لیموں سارا سال اپنے گھر میں ہی مل جایا کریں گے۔

سب سے پہلے لیموں کا پودا خریدیں اور کبھی بھی بیج سے لیموں کا پودا نہ اگائیں کیوںکہ جب تک اس کی گرافٹنگ نہ کی جائےاس پر پھل نہیں آتے۔

پاکستان میں لیموں کی بہترین اقسام میں چائنہ لیمو اور دیسی لیموں شامل ہیں، دیسی لیموں میں اگرچہ پھل آنے میں 4,5 سال لگ جاتے ہیں لیکن ان کا پھل بڑا اور رس دار ہوتا ہے۔

چائنہ لیموں میں سارا سال ہی پھل لگا رہتا ہے جو نسبتاً چھوٹا ہوتا ہے، لیموں کے پودے کو براہِ راست دھوپ میں رکھیں اور گرمی کے موسم میں روز پانی دیں لیکن زیادہ مقدار میں نہیں دیں اور لیموں پر پھول نکل آئیں تو پانی دینا کم کر دیں۔

لیموں کے پتوں پر لاروا حملہ کر دیتے ہی اور پتوں اور پھل کو کھانے لگتے ہیں اس لئے اس کے پودے پر باقاعدگی سے اسپرے کرنا ضروری ہے۔

اگر لیموں کا پودا زمین میں لگایا جائے تو خوب بڑھتا ہے اور بہت زیادہ پھل دیتا ہے، لیموں کے پودے کی جڑیں گملے کی اوپری سطح پر ہوتی ہیں اس لئے گوڈی کرنے کے لئے کسی تیز چیز کا استعمال نہ کریں۔