اے ٹی پی ٹینس کے عالمی نمبر 5 اور دو مرتبہ کے گرینڈ سلم ایونٹ کے فائنلسٹ کیون اینڈرسن نے رٹائرمنٹ کا اعلان کر دیا۔

کیون اینڈرسن نے گزشتہ روز ٹوئٹر پر اپنی رٹائرمنٹ کا اعلان کرتے ہوئے کہا کہ وہ 35 سال کی عمر میں ٹینس سے رخصت ہو رہے ہیں۔

اینڈرسن نے کہا کہ میں نے اپنا بہترین کھیل پیش کیا۔

جنوبی افریقہ سے تعلق رکھنے والے کیون اینڈرسن نے اپنے الوداعی ٹوئٹس کے سلسلے میں لکھا کہ میں آج اپنے پیشہ ورانہ کھیل سے رٹائر ہو رہا ہوں یہ ایک مشکل فیصلہ تھا۔

واضح رہے کہ کیون اینڈرسن 2017 کے یو ایس فائنل میں رافیل ندال اور 2018 کے ومبلڈن فائنل میں نوواک جوکووچ کے ہاتھوں شکست سے دوچار ہوئے تھے۔

کیون اینڈرسن اے ٹی پی کی ٹینس کی عالمی درجہ بندی میں پانچویں نمبر پر تھے۔

کیون اینڈرسن نے اے ٹی پی سرکٹ پر سات سنگلز ٹورنامنٹ جیتے، اور فروری 2018 سے جون 2019 تک درجہ بندی میں ٹاپ 10 میں تھا، اس سے پہلے کہ وہ 2020 میں انجری کا شکار ہوئے اور گھٹنے کی سرجری کروائی۔

کیون کا آخری میچ میامی ماسٹرز کے راؤنڈ آف 64 میں تھا جہاں وہ ارجنٹائن کے جوان مینوئل سیرونڈولو سے تین سیٹوں میں ہار گئے تھے۔