کرکٹرکی دنیا میں امام الحق نام کسی تعرف کا محتاج نہیں، وہ قومی کرکٹ ٹیم کے اوپنگ پلیئر ہیں اور بائیں ہاتھ سے بیٹنگ کرتے ہیں، جبکہ امام الحق انضام الحق کے بھتیجے ہیں۔

حال ہی میں امام الحق کو ایک نجی ٹی وی کے شو میں مدعوکیا گیا جہاں حاضرین میں بیٹھی ایک خوبصورت لڑکی نے شادی کی پیشکش کرتے ہوئے کہا کہ کیا آپ مجھ سے شادی کریں گے۔

امام الحق نے شوکے دوران اس طرح کی پیشکش کے بارے سوچا نہیں تھا اور یہ سن کر پہلے تو وہ شرمائے لیکن پھر حیرانی کے عالم میں میزبان تابش ہاشمی کی جانب دیکھ کر کہنے لگے میں اس بات کا کیا جواب دوں تاہم وہ خاموش ہوگئے لیکن لڑکی نے پھر کہا کہ سر میری بات کی عزت رکھ لیجئےگا جس پر امام الحق نے کہا اس کے لئے آپ کو میری والدہ سے بات کرنی ہوگی کیونکہ وہی اس کا بہتر جواب دے سکیں گی اس پر لڑکی کا کہنا تھا کہ سر آپ مجھے جس کے پاس جانے کا کہیں گے میں چلی جاؤں گی۔