پاکستان شوبز انڈسٹری کی نامور خوبرو اداکارہ ہانیہ عامر نے حالیہ انٹرویو میں اپنے گھر کے باہر ایک مرتبہ پولیس کے آنے کی وجہ بتائی ہے۔

عید کے موقع پر ایک نجی ٹی وی کے پروگرام میں ہانیہ عامر نے شرکت کی اور دوران انٹرویو بتایاکہ ایک بار ایسا ہوا کہ چند مداح میری رہائش گاہ کے باہر جمع ہوگئے اور اتفاقاً میں گھر پر موجود ہی نہیں تھی، والدہ کے اسرار کے باوجود پرستار جانے کا نام ہی نہیں لے رہے تھے۔

ہانیہ عامرنے بتایا کہ تھوڑی دیر بعد پولیس میرے گھر کے باہر پہنچ گئی اور اہلکاروں نے والدہ نے پوچھا کہ بتائیں اگر یہ لوگ آپ کے جاننے والے نہیں ہیں تو ہم انہیں اپنے ساتھ لے جائیں گے جس پر ہانیہ عامر کی والد نے مداحوں کی حمایت کی اور کہا یہ ہمارے بچوں کی طرح ہیں لہذا آپ لوگ جائیں اس طرح پرستار بھے وہاں سے چلے گئے۔

ہانیہ عامر کا کہنا تھا کہ میرے مداح تقریباً چار گھنٹوں سے رہائش گاہ کے باہر موجود تھے جس کے بعد پولیس آئی۔