پاکستان شوبز انڈسٹری کے سینئر اداکار خالد انعم نے شاہد آفریدی پر تنقید کر ڈالی۔

پاکستان شوبز کے معروف سینئر اداکار خالد انعم نے اسٹار آل راؤنڈر شاہد آفریدی پر ہلکے پھلکے انداز میں تنقید کی ہے۔

اداکار نے اپنے آفیشل انسٹاگرام اکاؤنٹ پر ایک اسٹوری شئیر کی ہے جس میں انہوں نے شاہد آفریدی  کی کرکٹ کی کارکردگی کی مثال دیتے ہوئے ان پر تنقید کی۔

 انہوں نے لکھا کہ ’شاہد آفریدی سے اختلاف اپنی جگہ لیکن شاہد آفریدی ایک ہیرو ہے ، ایک وقت جب پاکستان کے28 رنز پر 4 آؤٹ ہوتے تھے  پھر شاہد آفریدی بیٹنگ پر آتا تھا اور پاکستان کے 28 رنز پر 5 آؤٹ ہوجاتے تھے‘۔

یاد رہے کہ شاہد آفریدی کی جانب سے حال ہی میں وزیراعظم پاکستان شہباز شریف کی تعریف جب کہ سابق وزیر اعظم عمران خان کی  پالیسیوں پر ان کو  تنقید کو نشانہ بنایا گیا تھا جس کے بعد سے ہی شاہد آفریدی تنقید کی زد میں ہیں۔

 جبکہ شاہد آفریدی نے وزیر اعظم شہباز شریف کے وزیراعظم بننے کے بعد انہیں مبارکباد بھی دی تھی۔

دوسری جانب شاہد آفریدی نے یوٹیوب چینل پر ایک ویڈیو پیغام جاری کرتے ہوئے خود پر ہونے والی تنقید کا جواب دیتے ہوئے کہا تھا کہ عمران خان کی پالیسیوں سے اختلاف رکھنے کا حق مجھے حاصل ہے، بطور کپتان انہوں نے ہمیشہ عمران خان کی تعریف کی لیکن بطور وزیر اعظم ان کی پالیسیوں سے اختلاف کرنا ان کا حق ہے۔