علی محمد خان نے کہا ہے کہ عمران خان مرجائیں گے لیکن انکی غلامی قبول نہیں کرینگے۔

پاکستان تحریک انصاف کے رہنما علی محمد خان نے لاہور بار کی تقریب سے خطاب کرتے ہوئے وکلاء سے سوال کیا کہ پاکستان کیلئے ہرطرح کی قربانی دینے کوتیارہو؟ جس کے جواب میں انہوں نے کہا کہ ہرطرح کی قربانی دینے کوتیار ہیں۔

علی محمد خان نے کہا ہے کہ عوام ووٹ سے فیصلہ کریں گے ملک عمران نے چلانا ہے یا شہباز نے، عمران خان مرجائیں گے لیکن انکی غلامی قبول نہیں کرینگے، یہ عمران خان اورسیاست کی نہیں پاکستان کی بات ہے۔

انہوں نے کہا کہ ملکی خود مختاری چھیننے کی کوشش کروگے توخاموش نہیں بیٹھیں گے، عمران خان کو ہٹانے کیلئے واشنگٹن سے مراسلہ آیا، اسلام آباد کےفیصلے واشنگٹن میں کیے جائیں توبرداشت نہیں کرسکتے۔

پاکستان تحریک انصاف کے رہنما نے کہا کہ پاکستان ہماری ماں جیسا ہے، ہم ماں کی بےحرمتی برداشت نہیں کرسکتے، قائداعظم نے قلم کی طاقت سے پاکستان بنایا تھا۔