انڈین پریمئیر لیگ سیزن 15 کا فائنل آج گجرات ٹائٹینز اور راجھستان رائلز کے مابین احمد آباد کے نریندر مودی اسٹیڈیم میں کھیلا جائے گا۔ 

اپنے ہوم کراؤڈ کے سامنے کھیلتے ہوئے، جی ٹی آئی پی ایل میں اپنے پہلے ہی سیزن میں اپنا پہلا ٹائٹل اپنے نام کرنے کی کوشش کرے گا۔ دوسری طرف راجھستان رائلز اپنے دوسرے آئی پی ایل ٹائٹل کے لیے جدوجہد کرے گا۔

 راجستھان کی ٹیم 2008 کے بعد پہلی مرتبہ لیگ کا ٹائتل میچ کھیلے گی۔ 2008 میں آئی پی ایل کے پہلے سیزن میں راجستھان رائلز، شین وارن کی قیادت میں چیمپئن بنی تھی ۔ لیکن اس کے بعد سے ٹیم کبھی فائنل تک نہیں پہنچی۔

جبکہ انڈین پریمئیر لیگ میں گجرات ٹائٹینز پہلی مرتبہ شرکت کرتے ہوئے فائنل تک پہنچی ہے۔

راجھستان رائلز اور گجرات ٹائٹینز دونوں ٹیمیں اس سیزن کے آغاز میں دو بار آمنے سامنے ہوئیں.

لیگ اور کوالیفائر مرحلے میں گجرات ٹائٹینز نے میدان مار لیا تھا، تاہم رجھستان رائلز نے 14 سال بعد اس ٹائٹل کے حصول کی کوشش کے ساتھ گجرات ٹائٹینز سے بدلہ لینے کی کوشش کرے گی۔

فائنل شام کو پاکستانی وقت کے مطابق شام 8 بجے شروع ہو گا۔