کبھی آپ نے سوچا ہے کہ نیچے والے حصے یعنی ریفریجریٹر میں تو لائٹ ہوتی ہے مگر فریزر میں نہیں۔

ویسے تو فریج بنانے والی کمپنیوں نے اس حوالے سے کوئی واضح وجہ نہیں بتائی مگر ایک ماہر معیشت رابرٹ فرینک کے مطابق صارفین ریفریجریٹر میں لائٹ کو اکثر استعمال کرتے ہیں تو وہ اس فیچر کو قابل قدر تصور کرتے ہیں اور اسی وجہ سے کمپنیاں ریفریجریٹر میں لائٹس کی تنصیب کو فریزر کے مقابلے میں زیادہ بہتر سمجھتی ہیں۔

فریزر میں لائٹ لگانا فائدے مند نہیں کیونکہ اس پر برف جمنے کا امکان زیادہ ہوتا ہے ویسے تو سیلف ڈی فروسٹنگ فریزر بھی اب مارکیٹ میں دستیاب ہیں مگر صارفین کو فریزر میں لائٹ نہ ہونے کی عادت ہوچکی ہے۔

صارفین فریزر میں لائٹ کو اس لیے بھی اہم نہیں سمجھتے کیونکہ ہم میں سے اکثر لوگ فریزر کے دروازے کو ریفریجریٹر کے مقابلے میں بہت کم کھولتے ہیں اور جب بھی فریزر کا دروازہ کھولا جاتا ہے تو اس کے سامنے چند منٹ سے زیادہ نہیں کھڑے ہوتے۔

اب ہمارے لیے یہ معمول کا حصہ ہے تو فریزر میں لائٹ نہ ہونے کے مقابلے میں لائٹ ہونا زیادہ حیران کن محسوس ہوگا۔