اسنوکر اسٹارز نے 2022 کی عالمی چیمپیئن شپ کے لیے بہترین لباس زیب تن کیے، یہ ایک صدیوں پرانی روایت ہے۔

درحقیقت یہ رواج اتنا ہی پرانا ہے جتنا کہ خود کھیل۔ یہ کھیل 1700 کی دہائی میں بلیئرڈز میں ایک تغیر کے طور پر پیدا ہوا تھا۔ اس وقت یہ صرف انگریز اشرافیہ کا کھیل تھا۔

جو لوگ اس میں شرکت کرنا چاہتے تھے ان سے توقع کی جاتی تھی کہ وہ واسکٹ اور بو ٹائی پہنیں، یہ ایک ایسا عمل ہے جو سینکڑوں سالوں سے تبدیل نہیں ہوا۔

بلاشبہ، شاٹ کھیلنے کی کوشش کرتے وقت سوٹ جیکٹ کی طرح روایتی ٹائی بھی  راستے میں آئے گی۔

حالانکہ اسمارٹ ٹراؤزر اور لمبی بازو کی قمیض والے ڈریس کوڈ میں حالیہ برسوں میں نرمی کی گئی ہے۔

کچھ واقعات میں پلئیرز کی ٹائیوں اور واسکٹ کو مکمل طور پر ختم کر دیا گیا تھا، جبکہ روایتی سیاہ یا سفید رنگ پر تبدیلی کی اجازت بھی دی گئی ہے۔

لیکن مجموعی طور پر اصلاحات کے مطالبات میں اضافہ ہوا ہے۔

عالمی شہرت یافتیہ شمالی آئرس اسنوکر کھلاڑی مارک ایلن کا کہنا ہے کہ کوئی بھی بو ٹائی اور واسکٹ میں کھیلنا پسند نہیں کرتا۔

اس کھیل میں اسپانسرز کی اجازت دی گئی ہے، لیکن لباس کا انتخاب محدود کرتا ہے کہ ان معاہدوں سے کتنی اضافی آمدنی ہو سکتی ہے۔ یہ لوگو سے ڈھکے ہوئے لباس کے بالکل برعکس ہے جسے فارمولا ون اور ڈارٹس میں دیکھا جا سکتا ہے۔

اسنوکر کے پرانے قوانین اب بھی زیادہ تر پر لاگو ہوتے ہیں، لیکن اسکاٹش اسنوکر پلئیر اسٹیفن میگوائر ایک ایسے کھلاڑی ہیں جنہیں بو ٹائی پہنے نہیں دیکھا جا سکتا۔

انہیں طبی مسائل کی وجہ سے چھوٹ دی گئی تھی جس کی وجہ سے وہ اس اصول کو نظرانداز کر سکتے تھے۔

انہوں نے اس حوالے سے وضاحت دیتے ہوئے کہا کہ “میں ایک پیشہ ور کے طور پر اپنے ابتدائی چند سالوں تک بو ٹائی کے ساتھ کھیلا، لیکن گردن میں مسئلہ پیدا ہوگیا اور مجھے بوٹائی کو ترک کرنا پڑا۔”

انہوں نے مزید بتایا کہ “میں ڈاکٹر کے پاس گیا اور وہ مجھے بو ٹائی کے بغیر کھیلنے کی اجازت دینے کے لیے ایک خط حاصل کرنے میں کامیاب ہوا۔ تب سے میں واقعی درجہ بندی میں اضافہ کر چکا ہوں، اس لیے میرے خیال میں یہ ایک اہم عنصر تھا۔”