کراچی کی مقامی عدالت نے پولیس کو عالمگیر خان کو 28 مئی تک گرفتار کرنے سے روک دیا۔ 

تفصیلات کے مطابق سیشن عدالت شرقی/ سٹی کورٹ کراچی میں تحریک انصاف کے مستعفی رکن قومی اسمبلی عالمگیرخان کے خلاف مقدمے پر کیس کی سماعت ہوئی۔

رہنما تحریک انصاف عالمگیرخان نے عدالت سے ضمانت قبل از گرفتاری حاُصل کرلی۔

سیشن کورٹ نے عالمگیر خان کی ایک لاکھ روپے کے مچلکوں کے عوض عبوری ضمانت منظور کر لی۔

دوران سماعت عدالت نے پی ٹی آئی کے رہنما عالمگیر خان کو پولیس تفتیش میں شامل ہونے کا حکم دیتے ہوئے پراسیکیوشن اور تفتیشی افسر سے 28 مئی تک جواب طلب کرلیے۔

واضح رہے کہ عالمگیر خان کے خلاف گلشن اقبال تھانے میں ریاستی اداروں کے خلاف اشتعال انگیزی کا مقدمہ درج ہے۔

دوسری جانب صحافی عمران ریاض خان نے حفاظتی ضمانت کے لیے لاہور ہائی کورٹ سے رجوع کر لیا۔

صحافی عمران ریاض خان نے سینئر قانون دان میاں علی اشفاق کی وساطت سے لاہور ہائی کورٹ میں درخواست دائر کی جس میں مؤقف اختیار کیا گیا کہ عمران ریاض کے خلاف ملک کے مختلف شہروں میں مقدمات درج کیے گئے ہیں۔

مذید خبر پڑھیں