فہمیدہ مرزا نے کہا ہے کہ میں نے ہمیشہ سندھ کی محرومیوں کی بات کی ہے۔

سابق اسپیکر قومی اسمبلی فہمیدہ مرزا نے قومی اسمبلی میں اظہار خیال کرتے ہوئے کہا ہے کہ میں نے ہمیشہ سندھ کی محرومیوں کی بات کی ہے، ہم نے سیاست نہیں کرنی، پانی سندھ کی زندگی و موت کا مسئلہ ہے۔

انہوں نے کہا کہ پانی کی وزارت سندھ کے پاس ہے، وہ جوابدہ ہیں، جو بھی شارٹ فال ہے وہ برابری کی بنیاد پر تقسیم ہونا چاہیے۔

فہمیدہ مرزا نے کہا کہ کچھ نئے آنے والے پہلے دن سے ایوان کا ماحول خراب کررہے ہیں، اگر آپکو پانچ چھ لوگوں کی اپوزیشن بھی برداشت نہیں تو بتا دیں، ہمیں مجبور نہ کریں کہ ہم باہر جا کر اپنی بات کریں۔