شہری کی گمشدگی کے معاملے پرعدالت نے اہلخانہ کو فون کرنیوالے وڈیرے اورمبنیہ میجرکو پیش کرنے کا حکم دے دیا۔

تفصیلات کے مطابق سندھ ہائیکورٹ میں بلوچستان سے تعلق رکھنے والے شہری عبدالحمید کی کراچی سے گمشدگی کے معاملے پر سماعت ہوئی۔

سندھ ہائیکورٹ نے لاپتا شہری کے اہلخانہ کو فون کال کرنے والے وڈیرے اور مبینہ میجر رحیم کو عدالت میں پیش کرنے کا حکم دے دیا۔

جسٹس محمد اقبال کلہوڑو نے حکم دیا کہ میجر رحیم، سروراور لڑکی کے تایا کو آئندہ سماعت پرپیش کیا جائے۔

لاپتا شہری عبدالحمید کی بیٹی نے عدالت کے روبرو بیان دیا کہ میرے والد کو کراچی سے اٹھایا گیا۔ عبدالحمید کو کچھ عرصہ قبل تھانہ ائیرپورٹ کی حدود سے اٹھایا گیا۔

بیٹی عدالت کے سامنے بیان دیا کہ ہمیِں تیسرے درجے کا شہری سمجھا جاتا ہے۔ کال لوگ کرکے خود کو میجر اور ایجنسیوں کا آدمی بتاتے ہیں۔ کہا جاتا ہے تم لوگ خاموش رہو، والد واپس آجائے گا۔

لڑکی نے بیان میں عدالت کو یہ بھی بتایا کہ ہمیں کچھ نہیں پتہ بس والد کو بازیاب کرایا جائے۔

تفتیشی افسر نے کہا کہ بتایا گیا ہےعبدالحمید کو سی ٹی ڈی بلوچستان لے گئی ہے۔ جن نمبرز سے کال موصول ہوتی ہے ان میں سے ایک لڑکی تایا ہیں۔

تفتیشی افسر نے یہ بھی عدالت کو بتایا کہ کال کرنے والا ایک بندہ خود کو میجر رحیم کہتا ہے مگر وہ میجر ہے نہیں۔

جسٹس محمد اقبال کلہوڑو نے کہا کہ جوجو بھی گمشدہ شہری کے اہلخانہ کو کال کرتے ہیں انہیں عدالت لے آؤ۔