حکومت کی جانب سے سرکاری دفاتر کے اوقات کار میں کمی کر دی گئی ہے۔

اس حوالے سے وزیراعظم کی منظوری کے بعد اسٹیبلشمنٹ ڈویژن کی جانب سے نوٹیفکیشن بھی جاری کر دیا گیا ہے۔

جاری کیے جانے والے نوٹیفکیشن کے مطابق سرکاری دفاتر کے اوقات کار صبح 8 سے 3 بجے تک کر دیئے گئے ہیں جبکہ جمعتہ المبارک کے روز اوقات کار صبح 8 سے ایک بجے ہوں گے۔

دوسری جانب وفاقی حکومت نے سرکاری دفاتر میں ہفتہ کی چھٹی بحال نہ کرنے کا بھی اہم فیصلہ کیا ہے۔

قبل ازیں دفاتر کے اوقات کار صبح 9 سے شام 5 بجے تک تھے اور ہفتہ کی چھٹی وزیراعظم شہباز شریف نے منصب سنبھالنے کے بعد ختم کی تھی۔