پاکستان شوبز انڈسٹری کی معروف ماڈل و اداکارہ رابعہ بٹ بھی عمران خان کی سابقہ اہلیہ و برطانوی فلم میکر جمائمہ گولڈ اسمتھ کے حق میں بول پڑیں۔

رابعہ بٹ نے جمائمہ گولڈ اسمتھ کے گھر کے باہر پاکستان مسلم لیگ(ن) کے کارکنان کی احتجاج کرتے ہوئے ویڈیوز پر ردِ عمل دیتے ہوئے لکھا کہ مجھے سمجھ نہیں آرہی کہ عمران خان کی سابقہ اہلیہ جمائمہ گولڈ اسمتھ کا اس سب سے کیا تعلق ہے۔

رابعہ بٹ نے لکھا کہ مجھے جمائمہ گولڈ اسمتھ کے گھر کے باہر یہ سب کرنے کی کوئی ایک اچھی وجہ بتادیں۔

واضح رہے کہ پاکستان کی موجودہ سیاسی صورتحال پر پاکستان مسلم لیگ(ن) کے کارکنان نے لندن میں جمائمہ گولڈ اسمتھ کے گھر کے باہر احتجاج کیا ہے۔