امتیاز شیخ نے کہا ہے کہ توانائی بحران سے بچنے کے لیے تھر کول پر انحصار کرنا ہوگا۔

وزیر توانائی سندھ امتیاز شیخ کی زیر صدارت سندھ اینگرو کول ماٸننگ کمپنی کا اجلاس ہوا جس میں امتیاز شیخ نے کہا کہ مشکل معاشی صورتحال میں مستقبل کی توانائی ضروریات کو تھر کول پر منتقل کرنا ہوگا۔

انہوں نے کہا کہ توانائی بحران سے بچنے کے لیے تھر کول پر انحصار کرنا ہوگا، تھر کے کوٸلے سے بجلی اور گیس بنانے کے منصوبوں میں ماحولیاتی تحفظ کو یقینی بنایا جارہا ہے۔

امتیاز شیخ نے کہا ہے کہ دنیا میں توانائی کے حوالے سے بدلتی صورتحال میں خدشہ ہے، رقم دینے کے باوجود گیس درآمد نہ کی جاسکی۔