گرمی کے موسم میں زیادہ تر لوگ چھت اور بالکنی کا رخ کرتے ہیں لیکن وہاں مچھر موجود ہوتے ہیں تو آج ہم آپ کو ایسے پودوں کے بارے میں بتائیں گے جو گھر کی فضا کو ٹھنڈا اور مچھروں سے بھی پاک رکھتے ہیں۔

تلسی کے پتوں کی خوشبو تیز ہوتی ہے لیکن یہ بو مچھروں کو بھگانے میں مددگار ثابت ہوتی ہے،اس کا پودا جس جگہ رکھا جائے اس سے کافی دور تک مچھر، مکھی اور کیڑے مکوڑے نہیں آتے۔

اس کے علاوہ تلسی کے پودے سے اطراف میں ٹھنڈک اور تازگی کا احساس بھی رہتا ہے۔

لیمن گراس کی چائے وزن میں کمی کرنے اور صحت کے بہت سے مسائل حل کرنے میں کارآمد ہے اور ساتھ ہی اس کے پودوں سے خارج ہونے والی خوشبو مچھروں کو دور رہنے پر مجبور کر دیتی ہے۔

لہسن کے بغیر کھانا ادھورا لگتا ہے وہیں یہ مچھروں کا دشمن بھی ہے، مچھر ہوں یا دوسرے کیڑے مکوڑے لہسن کی بو سے دور بھاگتے ہیں۔

اس کےعلاوہ روزمیری جہاں موجود ہو اس جگہ کا درجہ حرارت باقی جگہوں کی نسبت کم ہوجاتا ہے۔

پودینہ کیڑے مکوڑوں ،مکھی اور مچھروں کو بھی دور رکھتا ہے، اس کا پودا ٹھنڈا ہوتا ہے البتہ اس کو اگر کمرے میں رکھنا ہو تو ایسی کھڑکی کے پاس رکھیں جہاں دھوپ براہِ راست آتی ہو کیوں کہ پودینے کے پودے کو دھوپ کی ضرورت ہوتی ہے۔