سعد رفیق نے کہا ہے کہ پی آئی اے 31 مئی سے حج آپریشن کا آغاز کرے گا۔

پی آئی اے انتظامیہ نے وفاقی وزیر ہوابازی کو حج آپریشن، مذہبی زیارات اور اندرون و بیرون ملک سیاحت کے فروغ، فضائی بیڑے میں اضافے جیسے اہم معملات پر بریفنگ دی گئی۔

بریفنگ دیتے ہوئے کہا گیا کہ پی ائی اے منصوبے کے مطابق31 مئی سے حج آپریشن کا آغاز کرے گا، حج آپریشن پاکستان کے 8 شہروں کراچی، لاہور، اسلام آباد، فیصل آباد، سیالکوٹ، ملتان، پشاور اور کوئٹہ سے کیا جائے گا۔

بریفنگ دیتے ہوئے یہ بھی کہا گیا کہ سعودیہ عرب میں حج پروازیں جدہ اور مدینہ منورہ جائیں گی، پی آئی اے کا فلائیٹ آپریشن 297 پروازوں کے ذریعے 31 مئی تا 13 اگست تک جاری رہے گا۔

بریفنگ دیتے ہوئے مزید کہا گیا کہ پی آئی اے اس مقصد کیلئے 1 بوئنگ 777 اور 1 ائیربس 320 کو  طویل مدتی اسٹوریج سے نکالے،4  ائیربس 320 طیارے پی آئی اے کے فضائی بیڑے میں شامل ہونا شروع ہوگئے ہیں۔

 وزیر ہوابازی خواجہ سعد رفیق نے ہدایات دیں کہ ایک طیارہ گزشتہ ہفتے پاکستان پہنچ گیا ہے جس کی کسٹم اور ایف بی آر سے کلئرنس کروائی جارہی ہے، دوسرا طیارہ اس ماہ کے آخر تک پاکستان پہنچ جائے گا۔

  انہوں نے کہا کہ اضافی جہازوں کی بیڑے میں شمولیت سے فضائی آپریشن کو تقویت ملے گی اور نیٹ ورک کی وسعت میں مددگار ثابت ہو گی۔

خواجہ سعد رفیق کا کہنا تھا کہ پی آئی اے زائرین کی سہولت کیلئے دمشق اور نجف الاشرف کے فضائی آپریشن کو وسعت دے رہا ہے، عاشورہ اور اربعین کے موقع پر پی آئی اے دمشق اور نجف کی اضافی پروازیں بھی چلائے۔

ان کا یہ بھی کہنا تھا کہ پاکستانی سیاحوں کی سہولت کی خاطر پی آئی اے نے باکو (آذربائجان) کی پروازوں کو بھی دگنا کرنے کا منصوبہ بنایا ہے، شمالی علاقہ جات میں سیاحت کے فروغ کیلئے سکردو، گلگت اور چترال کی پروازوں میں بھی خاطر خواہ اضافہ کیا جارہا ہے۔

انہوں نے کہا کہ اسکردو کی ہفتہ وار 18، گلگت کی ہفتہ وار 24 اور چترال کی ہفتہ وار 2 پروازیں لگائی جارہی ہیں جبکہ ان پروازوں کو اسلام آباد کے علاوہ کراچی، لاہور اور ملک کے دیگر شہروں سے بھی منسلک کیا جارہا ہے۔

خواجہ سعد رفیق نے کہا کہ پی آئی اے کو ہدایات جاری کی ہیں کہ کارگو کے شعبے پر خصوصی توجہ دے اور اس کے فروغ کیلئےٹھوس اقدامات پر مشتمل سفارشات لے کر آئے۔

وزیر ہوابازی خواجہ سعد رفیق نے مزید کہا کہ پی آئی اے اپنے بزنس کلاس پروڈکٹ کو بہتر بنانے کیلئے کراچی، لاہور اور اسلام آبادائیرپورٹس پر بزنس کلاس لاوئنجز کی تزین و آرائش کروائے۔