سردار تنویر الیاس نے کہا ہے کہ سردارانور خان نے پاکستان اور آزاد کشمیر کی بہتری کیلئے بھرپورکردار ادا کیا۔

وزیراعظم آزادکشمیر سردار تنویر الیاس خان سابق صدر ریاست میجر جنرل(ر) سردار انور خان کی رہائشگاہ پر پہنچ گئے جہاں انہوں نے سردارانور خان کی عیادت کی اور نیک خواہشات کااظہار کیا۔

انہوں نے کہا کہ سابق صدر ریاست سردارانورخان کی سیاسی اور عسکری خدمات کو ہمیشہ یاد رکھا جائے گا، سردارانور خان نے پاکستان اور آزادکشمیر کی بہتری کیلئے بھرپورکردار ادا کیا۔

سردار تنویر الیاس خان نے کہا ہے کہ سابق صدر کی صحت یابی اور درازی عمر کیلئے دعا گو ہیں۔

 سردارانور خان نے سردارتنویرالیاس خان کو وزارت عظمیٰ سنبھالنے پر مبارکباد دی اور رہائشگاہ آمد پر شکریہ ادا کیا۔