قومی کرکٹ ٹیم کے سابق کپتان اور مایہ ناز بلے باز شاہد آفریدی نے آسٹریلین کرکٹ لیجنڈ اینڈریو سائمنڈز کی کار حادثے میں ہلاکت پر شدید دُکھ کا اظہار کیا ہے۔

تفصیلات کے مطابق شاہد آفریدی نے اپنے ٹوئٹ میں کہا کہ میں اینڈریو سائمنڈز کے دوستوں، خاندان اور مداحوں سے دلی تعزیت کرتا ہوں۔

اُنہوں نے زندگی کی حقیقت بیان کرتے ہوئے کہا کہ اس دنیا سے جانے کا کوئی وقت مقرر نہیں ہے اس لیے ہمیں ہر دن خوشی کے ساتھ گزارنا چاہیے اور دنیا کے لیے اچھی یادیں بننا چاہیے۔

My heartfelt condolences to the friends, family, and fans of #AndrewSymonds. There is no set time for leaving this world so we must live each day with happiness and become good memories for the world. Shane Warne and Andrew contributed so much to cricket RIP pic.twitter.com/31K6Yip4rK

Advertisement

— Shahid Afridi (@SAfridiOfficial) May 15, 2022

سابق  کپتان نے مزید کہا کہ شین وارن اور اینڈریو سائمنڈز نے کرکٹ کے لیے بہت سی خدمات سرانجام دیں۔

یہ بھی پڑھیں: اینڈریو سائمنڈز ٹریفک حادثے میں ہلاک

واضح رہے کہ آسٹریلین کرکٹ لیجنڈ اینڈریو سائمنڈز کار حادثے میں ہلاک ہوگئے،امریکی میڈیا کے مطابق سابق کرکٹر اینڈریو سائمنڈز کی کار کو حادثہ ٹاونزول کے قریب پیش آیا۔

آسٹریلین پولیس کا کہنا ہے کہ حادثہ رات 11بجے کے بعد ٹاونزول کے قریب پیش آیا۔

46 سالہ سائمنڈز نے 198 ون ڈے، 26 ٹیسٹ اور 14 ٹی ٹوئنٹی انٹرنیشنل میچز میں آسٹریلیا کی نمائندگی کی، اینڈریو سائمنڈز دو مرتبہ ورلڈ چیمپئن اسکواڈ کا حصہ بھی رہے۔