مریم اورنگزیب نے کہا ہے کہ ماضی کی حکومت نے چینی کی مصنوعی قلت کی۔

وفاقی وزیر اطلاعات مریم اورنگزیب نے پریس کانفرنس کرتے ہوئے کہا ہے کہ چینی کی قیمت 75 روپے مقررکی تھی، کابینہ نے اسے برقرار رکھا، ماضی کی حکومت نے چینی کی مصنوعی قلت کی۔

انہوں نے کہا کہ موجودہ وقت میں چینی کی وافر مقدار موجود ہے، چینی کی ایکسپورٹ پرپابندی لگانے کا مقصد چینی کی قیمت کوسستا کرنا ہے، پنجاب میں اس وقت آئین شکنی ہورہی ہے۔

مریم اورنگزیب نے کہا ہے کہ تمام اتحادی جماعتوں سے پنجاب کی صورتحال پرمشاورت کی، وزیراعظم نے چینی کی ایکسپورٹ پر مکمل پاپندی لگا دی ہے، کابینہ نے ایک سے زائد پاسپورٹ منسوخ کرنے کی منظوری دی ہے۔

وفاقی وزیر اطلاعات نے کہا ہے کہ لوڈشیڈنگ اور ٹرانسمیشن کے حوالے سے کابینہ کوبریف کیا گیا، حکومت کا پلان عوام کو ریلیف دینے کا ہے، وزیراعظم نے وزارت فوڈ سیکیورٹی کو ہدایت جاری کردی۔

انہوں نے کہا کہ گندم کی پیداوارمیں اضافے کیلئے اقدامات کی ہدایت کی ہے، آج کابینہ اجلاس میں اہم فیصلے کیے گئے، وزیراعظم نے کابینہ کو دورہ سعودی عرب کے حوالے سے آگاہ کیا۔

مریم اورنگزیب نے کہا ہے کہ پاورڈویژن کے حوالے سے تفصیلی بریفنگ دی گئی، گندم کی بوری گزشتہ حکومت میں 2600 کی تھی اب 2ہزارکی مل رہی ہے، ہماری حکومت میں پاکستان گندم کو ایکسپورٹ کررہا تھا۔

وفاقی وزیر اطلاعات نے کہا ہے کہ کوشش ہے گندم کی پیداوار میں اضافہ کریں، عید کےدن یواے ای کی معاشی ٹیم نے پاکستان کا دورہ کیا، یواے ای اور سعودیہ کےساتھ پارٹنرشپ سے متعلق عوام کوآگاہ کریں گے۔

دوسری جانب اعظم نذیر تارڑ نے پریس کانفرنس کرتے ہوئے کہا کہ کوئی آئینی عہدیدار آئینی حدود سے تجاوز نہ کرے، کابینہ نے گورنرکو ہٹانے کی سمری کو وزیراعظم نے منظور کیا۔

انہوں نے کہا کہ وفاقی کابینہ نے گورنرپنجاب کوہٹانے کے فیصلےکی توثیق کی، گورنرپنجاب اورصدر نے اپنے اختیارات کا ناجائز استعمال کیا، آئندہ کے لائحہ عمل کے لیے مشاورت کاعمل جاری ہے۔