لالی ووڈ انڈسٹری کے مایہ ناز اداکار اور ولن کے کردار کو بہترین انداز میں انجام دے کر شہرت حاصل کرنے والے اداکار شفقت چیمہ نے حال ہی میں ایک انٹرویو دیا ہے جو سوشل میڈٰیا پر وائرل ہو رہا ہے۔

اس انٹرویو کو دیکھ کر معلوم ہوتا ہے کہ فلموں میں منفی کردار نبھانے والے شفقت چیمہ اصلی زندگی میں عاجزی پسند اور اپنے نام کی طرح شفقت کے ساتھ پیش آنے والے انسان ہیں۔

لاہور سے تعلق رکھنے والے شفقت چیمہ 960 پاکستانی فلموں میں کام کرنے والے واحد پاکستانی ہیں جن کو یہ بہترین اعزاز حاصل ہے۔

یہ بات سب ہی جانتے ہیں کہ شفقت چیمہ اپنی والدہ سے بہت محبت کرتے ہیں اور وہ کئی انٹرویوز میں کہہ چکے ہیں کہ وہ آج جو کچھ بھی ہوں ماں کی دعا کی بدولت ہیں۔

اپنے حالیہ انٹرویو میں شفقت چیمہ نے اپنی والدہ سے متعلق بات کی ساتھ ہی انہوں نے اداکار شان شاہد اور ان کی والدہ کا بھی ذکر کیا۔

انہوں نے کہا کہ ’’میری شان کے ساتھ بہت لگتی تھی، ایک طرح سے میری اس سے دشمنی تھی۔ اداکار نے کہا کہ میں نے شان کے اندر ایک کردار دیکھا جس میں ہار گیا تھا‘‘۔

لالی ووڈ کے سینئر اداکار شفقت چیمہ نے بتایا کہ ’’ایک بار داتا گنج بخش رحمۃ اللّٰہ علیہ کے مزار پر میری شان سے ملاقات ہوئی، تو اس نے مجھے پیچھے سے آکے پکڑ لیا اور منہ پر ہاتھ رکھ لیا اور کہا کہ میرے ساتھ آگے لگو‘‘۔

اداکار کا کہنا تھا کہ’’ تو میں نے وہاں شان کی والدہ نیلو کو دیکھا جو وہاں موجود تھیں۔ شان نے اپنی والدہ سے کہا کہ یہ ہیں ماما جو اپنی ماں کے پاؤں دھو کر اس کا پانی پیتا ہے۔ یہ لوگوں کو دکھانے کے لیے سناتا ہے‘‘۔