بالی ووڈ اداکارہ ماڈل دیا مرزا فلائٹ کا رخ موڑنے اور 3 گھنٹے اُس میں انتظا کرانے پر ایئرلائن حکام پر برہم ہوگئیں۔

غیر ملکی خبر رساں ادارے کے مطابق دیا مرزا اپنی حالیہ پرواز کا رخ موڑے جانے پر ایئر لائن پر سیخ پا ہوگئیں۔

ان کا کہنا تھا کہ جہاز سے اترنے سے پہلے مجھے اور دیگر مسافروں کو کئی گھنٹے انتظار کرنا پڑا اور وہاں انتظامیہ میں سے کوئی مدد گار بھی نہ تھا۔

اداکارہ نے بتایا کہ فلائٹ کا پہلے تو رخ موڑا گیا اور پھر تمام مسافروں کو 3 گھنٹے انتظار کرنا پڑا۔

سماجی رابطے کی ویب سائٹ پر بھارتی اداکارہ نے 20 مئی بروز جمعہ فلائٹ منسوخ ہونے کے بعد ایئرلائن سے مدد نہ ملنے پر شکایت کی اور کہا کہ اس دوران میرا اور دیگر مسافروں کا سامان غائب تھا۔

دیا مرزا نے سماجی رابطے کی ویب سائٹ پر پورا واقعہ تحریر کیا اور بتایا کہ وہ ممبئی سے بذریعہ پرواز دہلی آرہی تھیں، لیکن فلائٹ کا رخ موڑ کر اُسے جے پور میں لینڈ کیا گیا۔

انہوں نے بتایا کہا کہ اس موقع پر مسافروں سے کہا گیا کہ وہ اترنے سے پہلے 3 گھنٹے تک فلائٹ کے اندر انتظار کریں۔

اداکارہ نے یہ بھی کہا کہ ایئرپورٹ پر انتظامیہ نے ہمارے سامان سے متعلق کوئی مدد کی پیشکش کی نہ ہی اس متعلق جواب دیا۔