یوروپول نے دنیا کی تاریخ میں ہونے والی دھوکہ دہی کی بڑی واردات کی مرکزی ملزمہ روجا اگنیتوا کا نام انتہائی مطلوب مجرمان کی فہرست میں شامل کردیا ہے۔

آج دنیا بھرمیں کرپٹوکرنسی اوربٹ کوائن کے چرچے ہرسُوپھیلے ہوئے ہیں۔ لیکن 2015 میں جب دنیا بھرمیں عوام کی اکثریت کو اس حوالے سے زیادہ واقفیت نہیں تھی توایک متوقع جعلی کرپٹو کرنسی ( ون کوائن) نے دنیا بھرکے سرمایہ کاروں کو اپنا گرویدہ بنا رکھا تھا۔

RED NOTICE: Ruja Ignatova, dubbed ‘the Cryptoqueen’, is #wanted by Germany @bka for fraud and money laundering. A reward is offered for information leading to the arrest of the co-founder of the alleged cryptocurrency ‘OneCoin’ in hiding since 2017. https://www.bolnews.com/urdu/latest/2022/05/869390/amp/ pic.twitter.com/jvGb8pg6gz

— INTERPOL (@INTERPOL_HQ) May 11, 2022

’ون کوائن ‘ کےنام سے پیش کی گئی اس کرپٹوکرنسی کے بارے میں ایک منظم پروپیگنڈا کیا گیا کہ ابھی اس کی پری لانچنگ ہے اورجس دن اسے باقاعدہ طورپرلانچ کردیا گیا تواسے خریدنے والے افراد راتوں رات ارب پتی بن جائیں گے۔

ون کوائن کوپہلی بارکرپٹوکرنسی کی شکل میں بلغاریہ سے تعلق رکھنے والی دو آف شورکمپنیوں ون کوائن لیمیٹڈ اور ون لائف نیٹ ورک لیمیٹڈ نے متعارف کرایا۔

دنیا کی تاریخ کے بڑے مالیاتی فراڈ میں سے ایک کی ماسٹرمائنڈ ایک خاتون روجااگنیتوا تھیں۔

بین الاقوامی جریدے ٹائمزکے مطابق ون کوائن اسکینڈل نے دنیا بھرکے اداروں کوچکرا کررکھ دیا تھا۔

اس پونزائی اسکیم کی بانی روجا نے تقریبا175 ممالک کے 30 لاکھ سرمایہ کاروں کو5 ارب ڈالرکی رقم سے محروم کردیا تھا۔ جن میں سے صرف چین سے ہی تقریبا 267 ملین ڈالرکوریکورکیا جاسکا۔

اس سارے معاملے کا سب سے حیرت انگیز پہلو یہ ہے کہ ون کوائن کی بانی روجا جوخود کو’ کرپٹو کوئین ‘ کہلواتی تھیں، آج تک قانون نافذ کرنے والے اداروں کی گرفت میں نہیں آسکی ہیں۔

2017 میں کرپٹو کوئین کا نام یورپ کے سب سے مطلوب مجرمان کی فہرست میں شامل کیا گیا۔ اس گروہ کے بہت سے سرکردہ افراد روپوش یا گرفتار ہوگئے تاہم کرپٹو کوئین ابھی تک قانون کی دسترس سے دورہیں۔