رائل چیلنجرز بنگلور کے بائیو ببل میں محصور کھلاڑیوں کی دلچسپی کے لئے کرائے گئے انٹرا اسکواڈ ٹیبل ٹینس ٹورنامنٹ کے فائنل میں ویرات کوہلی کو شکست ہو گئی۔

سابق کپتان ویرات کوہلی کو فائنل میں ببل انٹیگریٹی مینجر اشیش نے شکست سے دوچار کر کے سب کو حیران کر دیا۔

رائل چیلنجرز بنگلور کے اس انٹرا اسکواڈ ٹیبل ٹینس ایونٹ کا نام ٹیبل ٹینس کلاشاتھون تھا، جس میں کھلاڑیوں سمیت فرنچائز اسٹاف نے بھی شرکت کی۔

اس ٹیبل ٹینس ٹورنامنٹ میں کھلاڑیوں کے مابین ہلکے پھلکے انداز میں نوک جھونک کا سلسلہ بھی جاری رہا، جس سے کھلاڑی محضوظ ہوئے۔

فائنل میں اشیش پہلا سیٹ ہارنے کے بعد دوبارہ گیم میں واپس آئے اور ویرات کوہلی سے فتح چھین لی۔

کرکٹ کے میدان میں خراب فارم کے باعث تنقید کا شکار ویرات کوہلی کے لئے یہ شکست بھی کافی اثر انداز ہو گی۔

رائل چیلنجرز بنگلور نے آئی پی ایل کے رواں سیزن میں 12 میچز میں سے 7 میں کامیابی حاصل کی ہے اور 5 میچز میں ناکامی کا سامنا کرنا پڑا ہے جبکہ پوائنٹس ٹیبل پر ٹیم کے 14 پوائنٹس ہیں۔

دوسری جانب ویرات کوہلی بھی اپنے کرکٹ کیئریر کے خراب ترین دور سے گزر رہے ہیں، ویرات رواں آئی پی ایل میں چھٹی مرتبہ گولڈن ڈک پر آؤٹ ہو چکے ہیں۔

آئی پی ایل کے رواں سیزن میں ویرات کوہلی نے 12 میچز میں صرف 216 رنز بنائے ہیں جن میں ایک نصف سنچری شامل ہے۔