سابق وفاقی وزیر شیخ رشید نے کہا ہے کہ  حکومت کی جانب سے عوام کو دی جانے والی جھوٹی تسلی ملک کی معیشت کو بہتر نہیں بنا سکتی ہے۔

سماجی رابطے کی ویب سائٹ پر اپنے ایک پیغام میں شیخ رشید نے وزیراعظم کے ریلیف پیکج پر اپنے خیالات کا اظہار کیا ہے۔

#امپورٹڈ_حکومت_نامنظور pic.twitter.com/Vxh3q87Ljz

Advertisement

— Sheikh Rashid Ahmed (@ShkhRasheed) May 28, 2022

 انہوں نے کہا ہے کہ عوام چوروں کے فرسودہ نظام کے خلاف جہاد کررہے ہیں جو ایک ووٹ کی اکثریت اور 20 کروڑ کے ساتھ بھی اپنی حکومت نہیں بچا سکتے۔

انہوں نے کہا کہ آج گرے یا کل، یہ حکومت ختم ہوکر ہی رہے گی اور اسے گرنے سے کوئی نہیں بچا سکتا ہے۔

 شیخ رشید نے کہا کہ جس ملک کا وزیراعظم منی لانڈرنگ کیس پر گخر کرے اور ادارے اس کے سامنے ہاتھ جوڑ کر کھڑے ہوں تو اس کا اللہ ہی نگہبان ہے۔

ان کا کہنا تھا کہ پاکستان کی معیشت تباہ حال ہے اور ملک ڈیفالٹ ہونے کے قریب ہے، اس کی بہتری کے لئے جلد اقدامات کرنے کی ضرورت ہے ورنہ معاشی تباہی ہمارے دروازے پر دستک دے رہی ہے۔

انہوں نے بتایا کہ پاکستان کو معاشی بدحالی سے بچانے کے لئے جلد ہی عدلیہ اور سیاستدانوں کو بڑے اور اہم فیصلے کرنے ہونگے ۔