گزشتہ روز ایک وڈیو منظر عام پر آئی ہے جس میں ایک شخص پیرا گلائیڈنگ کرتے ہوئے فضا میں فٹ بال کھیل رہا ہے۔

فٹ بال کے کھیل سے محبت کرنے والوں کے لئے یہ ایک منفرد منظر تھا، دیکھتے ہی دیکھتے یہ وڈیو انٹرنیٹ پر وائرل ہو گئی۔

متعدد پروفیشنل کھلاڑی بھی فٹ بال کے اس دیوانے کا جنون دیکھ کر انگشت بداں رہ گئے۔

ابھی تک اس وڈیو میں نظر آنے والے فٹ بالر اور کیمرا مین کے بارے میں معلوم نہیں ہو سکا کہ وہ کون ہیں اور ہزاروں فٹ فضا میں اونچائی پر فٹ بال کے کرتب دکھانے کا مقصد کیا تھا۔

وڈیو میں فٹ بال کھیلنے والا شخص کی مدد کے لئے ایک کیمرا مین بھی موجود تھا، جس نے اسٹک کے ساتھ کیمرا لگا رکھا تھا اور فٹ بال کے اس کرتب کی مکمل عکس بندی کی۔

بہادر فری اسٹائلر نے انتہائی مہارت کے ساتھ فٹ بال کو 24 مرتبہ اپنے پاؤں سے ہٹ کیا اور فٹ بال کو گرنے نہیں دیا، فری اسٹائلر نے اس کے بعد فٹ بال کو اپنے ہاتھوں میں تھام بھی لیا.

اس وڈیو کو انٹرنیٹ پر جس نے بھی دیکھا سب حیرت میں متبلا تھے.

اس وڈیو نے یقینی طور پر پوری دنیا میں فٹ بال کے شائقین کو تشویش میں مبتلا کر دیا ہے، جو فی الحال آل انگلش چیمپئنز لیگ کے فائنل ہونے کا انتظار کر رہے ہیں۔