عدالت نے عبدالحفیظ شیخ و دیگرکے خلاف ریفرنس کیس میں ملزمان کی درخواست پر نیب کے پراسیکیوٹرکو نوٹس جاری کردیے۔ 

تفصیلات کے مطابق احتساب عدالت کراچی میں سابق وفاقی وزیر خزانہ عبدالحفیظ شیخ اوردیگر کے خلاف ریفرنس کی سماعت ہوئی۔

سابق وفاقی وزیرخزانہ حفیظ شیخ اوردیگرملزمان عدالت میں پیش ہوئے۔ ریفرنس کے شریک ملزم سلمان صدیقی زیر ضمانت کی رقم ایک لاکھ روپے جمع کرائی گئی۔

ملزمان کی جانب سے ریفرنس کے دائرہ اختیار سے متعلق درخواست دائر کردی گئی جس پر عدالت نے درخواست پر نیب پراسیکیوٹر کو نوٹس جاری کرتے ہوئے ریفرنس کی مزید سماعت 25 جون تک ملتوی کردی۔

ملزمان کے وکلا کا کہنا تھا کہ نیب آرڈیننس میں ترمیم کے بعد عدالت کو ریفرنس کی سماعت کا اختیار نہیں ہے۔

حفیظ شیخ نے گرفتاری سے بچنے کے لیے ضمانت حاصل کررکھی ہے۔

نیب کا کہنا ہے کہ ملزمان پر پورٹ قاسم سمیت دیگر پورٹس کے لیے سافٹ ویئر کی تیاری کی مد میں قومی خزانے کو 11.125 ملین ڈالر نقصان پہنچانے کا الزام ہے۔

https://cdnurdu.bolnews.com/urdu/wp-content/uploads/2022/05/حفیظ-شیخ-احتساب-عدالت-کراچی-1.mp4?_=2

سابق وزیر خزانہ حفیظ شیخ احتساب عدالت میں پیشی کے بعد میڈیا کے سوالوں کا جواب دیے بغیر واپس روانہ ہوگئے۔

یہ بھی پڑھیں: آمدن سےزائداثاثہ جات ریفرنس؛ آغا سراج درانی عدالت میں پیش نہ ہو سکے