ہر انسان اپنے ساتھ دوسروں کی شخصیت بارے میں جاننے کی جستجو میں رہتا ہے کہ وہ کن خوبیوں  کا مالک ہے اوراس میں کیا خامیاں ہیں۔

شخصیت کو پرکھنے کے کئی طریقہ ہیں کوئی ہاتھ کی لکھائی سے شخصیت پہچاننے کا گر جانتا ہے تو کوئی جملوں کو مکمل کرکے اس کے منفرد ہونے کے بارے میں آگاہ کرتا ہے۔

نفسیات میں کسی بھی فرد کی ذہانت، رویہ اور شخصیت کو پہچاننے کے کچھ مختلف طریقے ہیں ان ہی میں سے ایک تصویروں کی مدد سے شخصیت کی پہچان بھی شامل ہے ان تصاویر کوآپٹیکل الیوژن یعنی نظری یا بصری وہم کہاجاتا ہے۔

اس طرح کی پہیلیاں بہت سادہ اور مختصر ہوتی ہیں لیکن وہ آپ کی شخصیت کے بارے بہت کچھ ظاہر کرتی ہیں۔ اس طرح کی تصاویر میں تین سے چار اشیاء کو اس طرح ترتیب دیا جاتا ہے کہ ان سے مل کر ایک الگ اور جدا تصویر وجود میں آتی ہے یہی وجہ ہے کہ اکثر اوقات انہیں پہنچاننا مشکل ہوجاتا ہے کہ اس میں پہلے کیا دکھائی دے رہا ہے۔

آج یہاں پر ایسی ہی ایک تصویر پیش کی جارہی ہے جو آپ کو اپنی ذات کے اس پہلو سے آگاہ کرے گی کہ آپ زندگی میں کتنے پرعزم ہیں۔

اس تصویر میں جو آپ کو پہلے دکھائی دے گا وہی آپ کی شخصیت اہم پہلو کو اجاگر کرے گاکہ آپ کتنے پرعزم ہیں یا مشہور ہونے کی خواہش رکھتے ہیں۔

اگر آپ نے اس تصویر میں پہلے کسی شخص کے چہرے کو دیکھا توآپ اپنے دوست احباب میں خاصی شہرت رکھتے ہیں اور مشہور شخص ہیں اور پرسکون رہتے ہیں جبکہ لوگ آپ کے پاس اپنے مسائل کے حل کے لئے بہت اعتماد سے رابطہ کرتے ہیں انہیں لگتا ہے آپ ان کے مسائل کے حل کے لئے سب سے موزوں شخص ہیں اور وہ اپنے مسائل بیان کرنے میں کوئی عار محسوس نہیں کرتے۔

اگر آپ کا شمار ان لوگوں میں ہوتا ہے جنہوں نے اس تصویر میں کسی کو چھڑی لئے کسی خوف زدہ شخص کے سامنے کھڑا دیکھا ہے تو جان لیں کہ آپ ایک پرعزم شخصیت کے مالک ہیں اور آپ جن کاموں میں حصہ لیتے ہیں انہیں اپنے لئے چیلنج کی طرح قبول کرتے ہیں اور اس بات کو یقینی بناتے ہیں آپ ہی اس کام کے لئے بہترین اور موزوں ترین شخص ہیں یہی وجہ ہے آپ ہر کام کودوسروں سے بہتر کرنے کی خواہش رکھتے ہیں۔