احسن اقبال نے کہا ہے کہ نوجوانوں کو ڈیجیٹل انقلاب کے لئے تیار کرنا اولین ترجیح ہے۔

وزیر منصوبہ بندی احسن اقبال کی زیر صدارت  یونیورسٹی لیپ ٹاپ سکیم کا جائزہ اجلاس ہوا۔

اجلاس کی صدارت کرتے ہوئے احسن اقبال نے کہا کہ ہر طالب علم کا یونیورسٹی میں لیپ ٹاپ بنیادی حق ہے۔

انہوں نے کہا کہ ہر یونیورسٹی سٹوڈنٹ کو آسان شرائط پہ لیپ ٹاپ فراہم کرنے کی سکیم تیار کی جائے۔

وزیر منصوبہ بندی احسن اقبال کا مزید کہنا تھا کہ نوجوانوں کو ڈیجیٹل انقلاب کے لئے تیار کرنا اولین ترجیح ہے، تعلیمی شعبے میں ٹیکنالوجی کو برق رفتار سے متعارف کروایا جائے گا۔

اجلاس میں چیئرمین  ہائیر ایجوکیشن کمیشن اور ہائیر ایجوکیشن، سٹیٹ بنک اور آئی ٹی وزارت کے حکام نے شرکت کی۔