وادی لداخ میں شیوک ندی کے قریب بھارتی فوج کی گاڑی سڑک سے پھسل کر ایک گھاٹی میں گرنے سے سات فوجی ہلاک ہو گئے۔

بھارتی میڈیا کے مطابق 26 فوجیوں پر مشتمل ایک گروپ پرتاپور کے ٹرانزٹ کیمپ سے سب سیکٹر حنیف میں اپنے مورچوں کی جانب جا رہے تھے۔

یہ حادثہ صبح تقریباً 9 بجے، تھائیس سے تقریباً 25 کلومیٹر کے فاصلے پر پیش آیا۔

فوجی گاڑی سڑک سے پھسل کر شیوک ندی میں گر گئی جس کی گہرائی تقریباً 50 تا 60 فٹ بتائی جاتی ہے،

بھارتی فوج کے ترجمان کا کہنا تھا کہ دریا میں گاڑی گرنے سے فوج کے تمام 26 افراد زخمی ہوئے.

ترجمان کا کہنا تھا کہ ریسکیو آپریشن تیزی سے کیا گیا اور تمام فوجیوں کو پرتاپور کے ایک فیلڈ اسپتال میں منتقل کیا گیا۔

بھارتی میڈیا کے مطابق اب تک سات فوجیوں کی ہلاکت کی تصدیق ہوئی ہے۔ دیگر کو بھی شدید چوٹیں آئی ہیں۔

زخمیوں کو بہترین طبی امداد فراہم کرنے کو یقینی بنانے کے لیے سرشار کوششیں جاری ہیں جبکہ فضائیہ سے زیادہ سنگین زخمیوں کو منتقل کرنے کے لیے فضائی کوششوں کی درخواست بھی کی گئی ہے۔

وزیر اعظم نریندر مودی نے سڑک حادثے میں ہلاک ہونے والے 7 افراد کے اہل خانہ سے تعزیت کا اظہار کرتے ہوئے کہا کہ متاثرین کو ہر ممکن مدد فراہم کی جا رہی ہے۔